Ұстаздар күні

«Ұстаздар – ұлы тұлғалар» 

І жүргізуші:

Ұлылықтың ұйытқысынан жаралған,
 Өнегеңнен барлық шәкірт нәр алған.
 Шапағатты шуақ сепкен ұстаздар,
 Өздеріңнен бастау алар бар арман.
 
 ІІ жүргізуші:

Ұстаздар жақсылықтың жол ашары,
 Қолыңда шәкіртіңнің бала шағы.
 Өмірді алға қарай өрлететін,
 Сендерде Ұлы Отанның болашағы –
 
 І жүргізуші: Ұстаз ... Қандай қасиетті сөз! Әр адамның жүрегіне ерекше жылулық нұрын себетін аяулы тұлға бейнесімен өзектес ұғым. Адам баласының жүрегіндегі қадір тұтып, құрметтейтін екі ұғым болса,

оның бірі – Ұстаз.
 
 ІІ жүргізуші:

«Ұстаз» деген сөз қазақ баласы үшін қашанда қасиетті, қадірлі болған.«Ұстаздан тәрбие алған » немесе «Ұстаз алдын көрген» деген сөздер « ана тәрбиесін алған» деген сөздермен ұштасып жатады.
 
 
 І жүргізуші: Шәкірттерге білім беруде ұстаздардың еңбегі ұшан теңіз. Сондықтанда ұстаз әрдайым қасиетті тұлға ретінде ерекшеленеді.
 
 ІІ жүргізуші: Олай болса, қадірлі ұстаздар!
 Сіздерді төл мерекелеріңізбен шын жүректен құттықтаймыз.
 
 І жүргізуші: Сіздердің шәкірттерді тәрбиелеп, білім беру жолындағы еңбектеріңіз жана берсін.
 
 І, ІІ жүргізуші: Еңбектеріңізге табыс, отбасыларыңызға бақыт, мерейлеріңіз үстем бола берсін демекпіз.
 Құттықтау сөз мектеп директоры  Садиева Сәуле Тезекбайқызына беріледі.

 І жүргізуші: Ұстаз! Осы бір сөздің өзінде қаншама мән – мағына, қасиетті ұғым жатыр. Ұстаз алдынан өтпейтін ешкім жоқ. Жүрексіз өмір болмаса, мұғалімсіз білімнің, тәрбиенің іске аспайтыны белгілі. Небір данышпан адамдар, қарапайым еңбеккерлер, тіпті арман қуған жеткіншектер де бәрі бір адамға қарыздар.

І жүргізуші: Олай болса ұстаздарымыздың құрметіне ауыл әкімі СMayлов Аян Аманжолұлына жылы лебізін тыңдасақ.
 Рахмет, апай!
 
 

 ІІ жүргізуші: «Қазақ қызы» орындайтын 8сынып   оқушысы Тойлыбай Айшолпан
 І жүргізуші: Ұстаз сөзін айтып жүрдік ән қылып,
 Одан басқа жүрген кім бар жанды ұғып,
 Ұстаз деген – ұлылардың ұлысы,
 Қасиетіне бас иейік мәңгілік!
 
 ІІ жүргізуші: «Асыл досым» әні орындайтын 9 сынып оқушысы Жолдыбай Ақмарал
 І жүргізуші: Мұғалім, ғазиз мұғалім,
 Төгілген арай, шуағым
 Арманым қонса, қолыма,
 Арқаң деп сенің ұғамын.
 ІІ жүргізуші: Мұғалім, ғазиз мұғалім,
 Сарқылмас мәңгі бұлағым.
 Ұланың бүгі тойыңда,
 Арнайды саған бұл әнін.
 І жүргізуші: Олай болса ұстаздарымызға арналған құттықтау сөзді мектепішілік өзін - өзі басқару ұйымының президенті Аймиш Алима. Рахмет!
 ІІ жүргізуші: «Ұстазым» әні орындайтын 7 сынып оқушысы Айтан Ұлжан
 І жүргізуші: Ұстаз жолы қиынырақ басқадан,
 Сырлары мол әлі сыртқа шашпаған
 Шаршаса да осы жолдың бойында,
 Қандай жақсы шын бақытын тапса адам
 ІІ жүргізуші: Құрметті ұстаздар, қонақтар!
 Бүгінгі Ұстаздар мерекесіне арналған «Ұстаз аты – биік әрі мәңгілік» атты мерекелік жиынымызды жабық деп жариялаймыз.
 І жүргізуші: Көңіл қойып тыңдағандарыңызға көп – көп рахмет!